Xixón acueye los alcuentros de familiares de gais y lesbianes
Xuan Bello, Les Noticies - L'Asociación de Madres y Padres de Gays y Lesbianes d'Asturies (AMPGYL) acueye en Xixón, los díes 15, 16 y 17 mayu, los VIII Alcuentros anuales d’esta asociación que ta organizada en tol Estáu pa «integrar la diversidá nes nuestres families».
Nesta ocasión los asturianos d'AMPGYL asumen la organización n'Asturies del VIII Seminariu qu’anualmente organiza l’asociación a nivel estatal. Padres y madres de toles comunidaes autónomes del Estáu axúntense pa poder debater, conocese y afondar na compresión del fechu lesbianu-gai-transexual-bisexual (LGTB). Trátase, según confirma l’asociación nuna nota de prensa, «d’unos alcuentros arriquecedores porque valen de marcu pa debater ente iguales. Quier dicise, ente familiares de les bianes, gais, transexuales y bisexuales. Ye una actividá de gran ayuda pa los qu'inda nun foron quien a asumir con normalidá esta situación presente nes sos families».
.png)
